Tiervermittlung


Post von Ehemaligen

Nasha das baldige Topmodel;-)

Liebs Pfötli-Team, jetzt isch es zimlich genau ein Monet her, sit ich züglet han. Ich hami erst wellä mälde, wenn ich mich voll igläbt han i miim neue dihei. Da's aber sicher no es paar Wuche wird duure, bis ich mine bedä Mänsche zu 100% traue, gib ich jetzt mal en Zwüschebricht dure: Ich fühl mich i mire neue Wohnig scho sehr wohl! Ich sitze ganz oft am Fänster und überlegg mier, wie s'Läbe da usse ächt so isch. Aber usegah trau mi no nöd würklich - naja, mier versuechts jede Tag mal, aber ich bin halt scho no chli en Schisshaas... Mini Lüüt hend mich ganz fescht gärn - und ich si ehrlich gseit au! D'Bea dörf mich scho ganz oft streichle, und sogar strähle cha si mich hie und da. Und ich ha scho 2-3 Mal bi ihre gschlafe. Em Mike trau ich halt no chli weniger... D'Sunny (di anderi Chatz i mim dihei) wäri für mich eigentlich die ideali Spilkollegin - isch nume schad, dass si das nöd so gseht :-( Aber so langsam het si sich a mich gwöhnt, und ich dörfere immer wider chli nalaufe und bi ire ir Nächi schlafe...
Abgnoh hani au scho chli - ganz vo mier us und ohni, dass ich muess hungerä. Vo mine 7.3 kg woni voremä Monet gha han, bin ich jetzt uf ca 6.5 kg abe - bi richtig stolz uf mich :-)

Ich fühl mich jede Tag es bitzli wohler! Im Momänt bin ich d'Nächt dur amigs wach und muess ganz fescht miaue, will ich mich denn halt scho chli elei fühle - alli andere schlafed denn ja! Aber ich hane versproche, dass ich mich besserä - und wenn d'Sunny mit mier zäme im Wintergarte übernachtet oder ich es paar Stündli bir Bea ligge, isches scho gar nüme so schlimm!

Ich freue mich sehr, dass ich es schöns dihei gfunde han und freu mich no vil meh uf die Ziit, wenn ich denä bedä richtig traue - und mini bedä Lüüt freued sich au mega uf de Momänt!

Es liebs Grüessli und bis bald mal wider!
d'Nasha, di hübschi Main Coon